Rêveberiya Xweser a Demokratîk a Efrînê operasyona li ser Efrînê weke gefa li ser jiyana gelê sivîl û hevgirtina xaka Sûriyeyê nirxand û bang li dewleta Sûriyeyê kir ku “Ji bo parastina herêmê bi berpirsiyariyên xwe re rabe.”

Bi hinceta parvekirinên medyaya civakî yên derbarê operasyona li ser Efrînê de li Ardahan, Zongûldak û Balikesîrê 6 kes hatin girtin.

Feysel Mîqdat Alîkarê Wezîrê Karên Derve yê Sûriyeyê ji BBCyê re axivî û operasyona Tirkiyeyê ya li ser Efrînê bi gotina “dagirkerî” bi nav kir. Mîqdatî wiha got: “Her cure mafê bersivdayinê ya Sûriyeyê li hemberî êrîşeke wiha heye.”

Fîgen Yuksekdag, Aysel Tûglûk, Çaglar Demîrel, Bûrcû Çelîk Ozkan, Gulser Yildirim, Gultan Kişanak, Nûrhayat Altûn, Edîbe Şahîn û Sebahat Tuncel li girtîgehê ji bo 3 rojan ketin greva birçîbûnê.

Derbarê operasyona li ser Efrînê de ji DYAyê daxuyanî li dû hev tên. Di daxuyaniya dawiyê ya Pentagonê de hat gotin ku bi operasyona Tirkiyeyê re bala li ser têkbirina DAIŞê belav dibe: Çavûşoglû got; “Heke ku hûn ne li gel me bin li hemberî me jî nesekinin.”

Serokwekîlê Koma HDPyê Ahmet Yildirimê li Parlamentoyê civîna çapemeniyê li dar xist û got, “Ti bangewaziya me nîne ku piştgiriyê bidin HDPyê, bibin HDPyî. Em bangê dikin ku piştgiriyê bidin polîtîkayên aştiyê.”

Piştî ku Serdozgeriya Komarî ya Amedê derbarê parvekirinên medyaya civakî yên ji bo operasyona Efrînê de lêpirsîn da destpêkirin, 30 kes hatin desteserkirin û ew birin Midûriyeta Emniyetê ya Amedê.

Wezîrê Berevaniyê yê DYAyê got ku Tirkiyeyê beriya dest bi operasyona Efrînê bike ew hişyar kirine û agahî dane wan. Li ser bangewaziya Fransayê Konseya Ewlehiyê ya Neteweyên Yekgirtû wê li ser operasyona leşkerî ya li hemberî Efrînê kom bibe.

Osman Kavalayî bi munasebeta 11emîn salvegera kuştina Hrant Dînkî bi rêya parêzerên xwe peyamek rê kir: “Guleya ku te, wêrekî û jiyana te ya te bi hezkirinê dijiya me jî bi mînaka nebaşiyê ya xedar ya sawnak re rû bi rû hişt.”

Nauert Berdevka Wezareta Karên Devre ya DYAyê gotina Wezîr a ku digot “Em hêza sînorî ava nakin” dubare kir û bang li Tirkiyeyê kir ku operasyonê li hemberî Efrînê nekin.

Bekîr Bozdag Berdevkê Hikûmetê û Alîkarê Serokwezîrî aşkere kir ku “ji bo 3 mehên din Rewşa Awarte berdewam bike wan tezkere amade kiriye û şandine Serokatiya Parlamentoyê.” Ji bo mijara biçekirina YPGyê jî got ku “Divê dawî li wan hewldanan bê anîn ku korîdora terorê li herêmê bê avakirin.”

Dadgeha Cezayan a Esliyeyê ya Enqereyê ji bo doza heqaretê ya wezîrê karên navxweyî yê berê, Suleyman Soylûyî li hevserokê Partiya Gelan a Demokratîk(HDP), Selahattîn Demirtaşî vekirî biryara beraeta Demîrtaşî da.