Melîh Bûlûyê ku bi biryarnameya Serokomariyê ji bo Zanîngeha Bogazîçiyê hatibû wezîfedarkirin dîsa bi biryarnameya Serokomariyê ji wezîfeyê hatiye girtin. Li şûna Melîh Bûlûyî, alîkarî wî Mehmet Nacî Încî ji bo rektoriyê hatiye wezîfekirin.

Îro di saetên sibê de kesê bi navê A.T.D. biçek êrişî avahiya navçeya Marmarîsê ya HDPê kiriye. Êrişkar di sala 2018an de jî êrişî avahiya navçeyê ya HDPê kiribû û derbarê wî de lêpirsîn hatibû destpêkirin.

Li Colemêrgê Hasan Cevher, Cîgirê Rêvebirê Emniyeta Bajar ku ji aliyê polîsek ve biçekî hatibû birîndarkirin, miriye.

Talîbanê li ser mijarên cîgirkirina yekîneyên leşkeri li Afganistanê û birêvebirina balafirgeha Babilê Tirkiye hişyar kiriye.

Li Semsûrê polîsan bi ser malhen hilberînerên tutinê de girtine û komek ji wan desteser kirine. Hilberîneran piştî ku di 1ê Tîrmehê de şertê “destûrnameyê” li wan bar kirin, dest bi çalakiyekê kiribû.

Parlamentoya Ewropayê bi armanca şermezarkirina zextên li ser HDPê û partiyên muxalîf ên li Tirkiyeyê biryarek stendiye. Di biryarê de hatiye diyarkirin ku zextên li ser mixalefetê rewşa dramatîk a mafên mirovan a li Tirkiyeyê û hilweşîna berdewam ya demokrasî û dewleta qanûnê eşkere dike.

Meral Daniş Beştaş, Wekîla Hevserokên Koma HDPyê gotiye ku li gorî biryara ji bo Omer Farûk Gergerlîoglûyî dane, divê hemû HDPyiyên girtî azad bibin.

Serokê MHPê bertek nîşanî Dadgeha Destûrî daye. Dadgeha Destûrî biryar dabû ku mafê Gergerlîoglû hatiye binpêkirin. Bahçelî di axavtina xwe de piştgirî daye Soylû û gotiye, “An em ê alîgirê yekitî û bi hev re bûnê bin an jî em ê berbi pêşerojekî bi pir şerî ve biçin.”

46 saziyan daxûyaniyek hevpar dane û gotine, “Em daxwaza girtina HDPê li gel zextên dadgeriyê yên li ser endam, rêveber û xebatkarên wê û her wiha êrîşên fîzîkî weke darbeyekê li dijî demokrasî û siyaseta demokratîk dibînin.

Parlamenterên HDPyê wê heta saet 17.00ê li ber Girtîgeha Sîncanê çalakiya xwe ya nobeta edaletê dewam bikin. Polîsan destûr nedaye şêwirmendên parlamenteran û rojnameger bikevin qada çalakiyê.

Malpera Atolye BIAyê dest bi weşanê kir. Atolye BIA ji bo rojnameger, rojnamegerên bêkar hatine hiştin, xwendekarên fakulteyên ragihandinê û kesên dixwazin rojnamegeriyê bikin bi armanca belavkirina nûçegîhaniya mafparêz atolyeyan pêk tîne.

Dadgeha Destûra Bingehîn di biryara xwe de gotiye ku “mafê hilbijirîn û xebata siyasî” û “mafê azadî û ewlehiya şexsî” yê Omer Farûk Gergerlîolûyê HDPyî binpê kirine.