Enstîtuya Çapemeniyê ya Navneteweyî (IPI) xwestiye ku hemû rojnamegerên li Kazakistanê hatine desteserkirin bên berdan û êrîşên li hemberî çapemeniyê wer in sekinandin.

Balyozxaneya Almanyayê vîze nedaye sê şanogerên Şanoya Bajêr a Amedê. Ji ber wê bernameya Şanoya Bajêr a Amedê ya Ewropayê betal bûye.

Li Wanê, walîtiyê careke din bi hinceta "ewlehiyê" çalakî, meş û xwepêşandan qedexe kirin.

Şahidê doza kuştina Tahîr Elçî, Serokê Baroya Amedê gotiye ku di bin zextan de îfadeya wî dane îmzekirin û dema Elçî hatiye kuştin ew li cihê bûyerê nebûye.

Dadgeha Îstînafê Kemal Kûrkût were “çalakvanekî êrîşkar” binav kiriye û îdia kiriye û gotiye, şert û mercên qanûnî ji bo polîsan çêbûne da ku wî bikujin. Biryara dadgeha herêmî ya ji bo tazmînatê jî qebûl nekiriye.

Li Bayrampaşaya Stenbolê kesên ser û çavên wan girtî bi ser mala koçberan de girtine û bi kêrê koçberê bi navê Naîl Alnaîfî kuştine. Hatiye ragihandin ku pênc kes hatine desteserkirin.

Di doza JITEMê ya Kerboranê de ji bo ku dozgerê Kerboranê yê wê demê fîrarî xûyaye weke şahid nehatiye guhdarkirin.

Ji sedî 86ê ku di sala 2021ê de mirine karker/karmend bûn, ji sedî 14 jî esnaf û cotkar bûn.

Li Dîlokê dadgehê siyasetmedar jî di nav de li 62 kesan bi giştî 339 sal û 7 meh cezayê girtîgehê biriye.

Kampanyaya îmzeyan ya bi sernava “Ji 1000 jinî ji bo Aysel Tûglûk azad bibe bang” wê heta roja Çarşema 12ê Kanûna Paşiyê bidome.

Li Bedlîs û navçeyên wê 308 herêm ji bo salekê weke "Herêma Ewlehiya Taybet a Demkî" hatine ragihandin.

Hamdî Bayhan, Endamê MYKa ÎHDê diyar kiriye ku li Wanê di 3 salên dawî de 160 penaber di rêya penaberiyê de mirine.

Dadgeha Istînafê ango ya Edliyeyêyê ya Herêmî biryar daye ku divê dadgehkirina polîsê bi wesayita zirxkirî pêl jinek Sûphiye Yakûtê kiriye betal nebe û dewam bike. Polîs wê careke din were dadgehkirin.

Ya Pervîn Bûldan, Hevseroka Giştî ya HDPyê jî di nav de 40 dosyayên parêzbendiyê yên 28 parlamenteran şandin Serokatiya Parlamentoyê.

Li Şirnexê 14 û li Dersîmê 4 herêm bi dema salekî bi biryarên walîtiyên wan bajaran weke “Herêmên Ewlekariya Taybet yên Demkî” hatine ragihandin.

Dozgerî daxwaza girtina êrîşkarî kiriye, lê dadgehê biryara serbestkirina wî daye.

Hatiye diyarkirin ku li Colemêrgê çûn û hatina 11 herêman ji bo 14 rojan hatiye qedexekirin.

Platforma Zimanê Kurdî bi daxuyaniyekê sersala Miladî ya hemû Kurdan pîroz kiriye û gotiye, “bi mebesta pîrozkirina sersala 2022 an ya Miladî bila her malbateke Kurd bi kêmasî ferhengeke Kurdî, romaneke Kurdî, pirtûkeke helbest û çîrokên Kurdî, lêkolînên zanistî û dîroka Kurdî di mala xwe de vehewînin.”

Di sala 2021an de jî bianet kurdiyê hewl da ku rojeva kurdan ji nêz ve bişopîne. Ji 2 hezar nûçeyên ku me çêkirine yên sereke û herî zêde hatine xwendin, yên têkildarî Kurdan û çand û hunera kurdan bûn.

ForûmaÇandê ya TirkiyeAlmanyayê xwestiye Aysel Tûglûk demildest serbest bibe. Asli Erdogan, Can Dundar, Oya Baydar, Erk Acarer û Hasîp Kaplan jî di nava wan kesan de ne ku metna hatiye weşandin îmze kiriye.