Malpera Çandnameyê ya ku nivîs û nûçeyên li ser çandê belav dike, E-Kovareka sêmehane bi heman navî weşand.

Kadrî Yildirim dê li ser “Rojavayê” rêzekirtêbekê amade bike, Weşanxaneya Avestayê ji rêza kitêban kitêba yekem weşand. Kitêba yekem li ser Efrînê ye.

Weşanxaneya Lîsê romana Omer Dilsozî ya bi navê “Gêjevang” çap kir.

M. Çiya Maziyî di çapa duyem a Pirtûka “Ferhenga Gotinên Pêşiyan” de ji hêla ziman û rêzimanî hin guhertin kiriye û gotin bi awayê ferhengî rave kirine.

Weşanxaneya Lîsê pirtûka Dilawer Zeraqî ya bi navê “Bêjara Neteweparêz di Kovara Hawarê de” çap kir. Pirtûk weke tez hatiye amadekirin ku derbarê ‘bêjar’a neteweparêziyê ya di Kovara Hawarê de ye.

Weşanxaneya Lîsê sê pirtûkên nivîskarê Kurd Emerîkê Serdarî çap kirin ku Serdar meha borî çûbû ser dilovaniya xwe.

Kovara dumehane ya Dilopê dê bi zimanên Kurdî(Kurmancî û Kirmanckî) û Tirkî nivîsên li ser çand hûner, edebiyat û siyasetê nivîsan belav bike. Yekem jinmar dê di roja Newrozê de li ber destên xwendekaran be.

Serlêdanên ji bo pîrozbahiya Newrozê, Amed û Stenbol jî di nav de li gelek bajaran hatin qebûlkirin. Pîrozbahî li Riha û Antalyayê dest pê kirin.

Şi‘rên nû yên Mueyed Teyib bi navê “Ne Şev Têra Xewnên Min Dike Ne Roj Têra Xemên Min” di kitêbekê de kom bûn û di nav weşanên Avesta de çap bûn.

Rewşan Çelîker dê sibeyê(14ê Adarê), li Stenbolê li avahiya Cemiyetê ji bo albûma xwe ya bi navê “Ax Lê Wesê” konsera danasînê pêk bîne.

Metîn û Kemal 16ê Adarê wê li Navenda Çandê ya Bajêr a li Şîşliyê konsertekê bidin.

Îsal wê li 40 navendan Newroz bê pîrozkirin. Bernameya pîrozbahiyê wê 17ê Adarê li Farqînê dest pê bike û 21ê Adarê bi pîrozbahiya li Amedê wê biqede.

Akademiya Zanista Hênera Sînemayê bû cara 90. ku xelatên Oscarê dan. “The Shape of Water” ji bo 13 xelatan bû berbijar û 4 xelat standin.

Weşanxaneya Lîsê koleksiyona Kurdolog Aleksandre Jabayî ya destnivîsên Kurdî weşand.

Belgefîlma Taylan Mîntaşî ya bi navê “Birayên Bêdengiyê” dê di 2yê Adarê de li sînemayan bê nîşandan. Fîlm li ser jiyana du birayên kerr û lal e.

TRTyê aşkere kir ku wan qedexeya 2016ye ne ji bo stranbêjan lê ji bo stranan aniye. Di nava stranên qedexekirî de 66 stranên Kurdî heye.

Nivîskar Yaşar Kemal 24ê Sibatê, di 3yemîn salvegera mirina xwe de li Navenda Çandê ya Yaşar Kemal a li navçeya Sariyerê bê yadkirin. Di çarçoveya bernameyê de wê stran bên gotin, pêşangehek bê vekirin û li ser jiyan û berhemên Yaşar Kemalî bê axavtin.

16emîn Festîvala Filman a Jinan a Filmmorê ya Gerok 10ê Adarê li Stenbolê dest pê dike. Festîval heta 10ê Gulanê wê li Trabzon, Îzmîr, Antalya, Bodrûm, Mêrsîn, Edene û Amedê filman pêşkêşî jinan bike.

Lêkolîner û nivîskar Faîk Bûlût di pirtûka xwe ya bi navê “Em ji Xorasanê çawa hatine?” de behsa dîroka Xorasanê dike û li ser çewtiyên dîroka fermî ya Tirkiyeyê disekine.

Koma çalakiyan a ciwanên kurd ên li Stenbolê, Chalak Events di bin çavdêrîya hûnermendê naskirî Seywan Saedianî de di roja evîndaran de(14ê Sibatê) atolyeya “Sêvên Mêxrêj” pêk anî.